តើអ្នកទាំងអស់គ្នាមានដែលឆ្ងល់ថា នៅពេលដែលអាជីវកម្មនីមួយៗធ្វើប្រូម៉ូសិន (Promotion) ពួកគេទទួលបានប្រាក់ចំណេញឬទេ? ចម្លើយដ៏ខ្លីនោះគឺ វាអាស្រ័យទៅលើ ការផ្សព្វផ្សាយ និងដំណើរការរបស់អាជីវកម្មនោះ។ ប្រសិនបើការផ្សព្វផ្សាយមានរចនាបថល្អ និងការធ្វើទីផ្សារប្រកបដោយប្រសិទ្ធភាព វាអាចជំរុញការលក់ និងបង្កើនប្រាក់ចំណេញ។

ទោះជាយ៉ាងណាក៏ដោយ ការផ្សព្វផ្សាយក៏អាចមានការខាតបង់សម្រាប់អាជីវកម្ម ប្រសិនបើពួកគេមិនអនុវត្តន៍ឲ្យបានត្រឹមត្រូវ។ វាមានសារៈសំខាន់ណាស់សម្រាប់អាជីវកម្មធ្វើការពិចារណាដោយប្រុងប្រយ័ត្ននូវការផ្សព្វផ្សាយរបស់ពួកគេ ហើយត្រូវប្រាកដថាការកើនឡើងនៃការលក់តាមរយៈប្រូម៉ូសិនវាច្រេីនជាងការចំណាយ។

មកស្វែងយល់បន្ថែមពី ៣ ចំណុចសំខាន់ៗមុនធ្វើប្រូម៉ូសិន រួមទាំងអត្ថប្រយោជន៍របស់វា៖

1. បង្កើនបរិមាណលក់៖ ប្រូម៉ូសិនអាចទាក់ទាញអតិថិជនថ្មីៗដែលជួយពង្រីកមូលដ្ឋានអតិថិជន ក៏ដូចជាជំរុញការលក់តាមរយៈការលើកទឹកចិត្តឲ្យអតិថិជនទិញផលិតផល ឬសេវាកម្មកាន់តែច្រើន។ ឧទាហរណ៍ ហាងកែសម្ផស្សដែលទើបនឹងបើកថ្មីផ្តល់ការបញ្ចុះតម្លៃ 50% រួមទាំងផ្តល់ជូនឥតគិតថ្លៃ លើផលិតផលមួយចំនួន ដែលនេះអាចជំរុញអតិថិជនឲ្យទិញច្រើនជាងអ្វីដែលពួកគេត្រូវការ។

2. ពង្រីកការទទួលស្គាល់របស់ម៉ាកយីហោ៖ ការផ្សព្វផ្សាយប្រកបដោយប្រសិទ្ធភាពដែលផ្តល់ជូននូវតម្លៃគួរឱ្យទាក់ទាញ ដែលជំរុញឱ្យអតិថិជនទាញយកអត្ថប្រយោជន៍ពីវា ហើយក៏អាចជួយលើកកម្ពស់ការយល់ដឹងអំពីអាជីវកម្ម ផលិតផល ឬសេវាកម្មរបស់ពួកគេវា។

3. កំណត់គោលដៅច្បាស់លាស់៖ ការមានគោលដៅច្បាស់លាស់នឹងជួយអ្នកក្នុងការរចនាការផ្សព្វផ្សាយ ដែលសម្រេចបាននូវគោលដៅដែលបានកំណត់ប្រកបដោយប្រសិទ្ធភាព។ ការកំណត់អតិថិជនគោលដៅច្បាល់លាស់ ក៏ជាកត្តាសំខាន់មួយដែលចូលរួមផងដែរ។ ឧទាហរណ៍ ប្រសិនបើអ្នកកំពុងផ្តល់ការបញ្ចុះតម្លៃលើផលិតផលគ្រឿងសំអាង បែបយុវវ័យ អ្នកគួរទៅផ្សព្វផ្សាយដល់យុវវ័យ ដែលចូលចិត្តការតុបតែង និងរៀបចំខ្លួនជាដើម។

អត្ថបទនេះគំាទ្រដោយ Khmer Enterprise - សហគ្រិនខ្មែរ

សហគ្រិនខ្មែរ មានចក្ខុវិស័យក្លាយជាថ្នាលជាតិសម្រាប់ការលើកកម្ពស់គ្រប់សកម្មភាពរបស់វិស័យសហគ្រិនភាព។