ការចរចាមានសារៈសំខាន់សម្រាប់អាជីវករ ក្នុងការប្រាស្រ័យទាក់ទងជាមួយអ្នកផ្គត់ផ្គង់ អតិថិជន ជាពិសេសការបង្កើតភាពជាដៃគូ និងការស្វែងរកមូលនិធិ។ ជំនាញចរចាប្រកបដោយប្រសិទ្ធភាពអាចផ្តល់នូវអំណោយផលវិជ្ជមាន កិច្ចសហការជោគជ័យ និងទំនាក់ទំនងអាជីវកម្មកាន់តែប្រសើរឡើង។ ហើយនេះគឺជាវិធីសាស្រ្ត៥យ៉ាងដែលជួយឱ្យអ្នកជោគជ័យក្នុងការចរចារ៖ ១. ការនិយាយស្តីច្បាស់លាស់៖ ត្រូវប្រើប្រាស់ពាក្យពេចន៍ដែលងាយស្រួលយល់ទៅកាន់ដៃគូ ដើម្បីធានាបាននូវភាពជាក់លាក់ និងជៀសវាងការនិយាយញាប់រទេញ ដែលអាចនឹងបង្កការភ័ណ្ឌច្រឡំរវាងគ្នា។ ២. ការរៀបចំ៖ ត្រូវសិក្សាពីសកម្មភាព គោលដៅ និងសមិទ្ធផលរបស់ភាគីម្ខាងទៀត ដើម្បីបង្ហាញពីការផ្តល់តម្លៃ និងបង្កើនភាពស្និទស្នាលក្នុងការចរចារ។ ៣. ការស្តាប់៖ ត្រូវស្តាប់យ៉ាងសកម្មអំពីកង្វល់ តម្រូវការ និងទស្សនៈរបស់ភាគីម្ខាងទៀត។ នេះមិនត្រឹមតែបង្ហាញពីការគោរពប៉ុណ្ណោះទេ ប៉ុន្តែថែមទាំងជួយក្នុងការស្វែងរកមូលដ្ឋានរួម និងបង្កើតដំណោះស្រាយដែលមានអត្ថប្រយោជន៍ដល់គ្នាទៅវិញទៅមក។ ៤. ទំនុកចិត្ត៖ ត្រូវមានទំនុកចិត្តទៅលើអ្វីដែលខ្លួននិយាយ ឬដំណោះស្រាយដែលខ្លួនលើកឡើង តាមរយៈបទពិសោធន៌ ឬទិន្នន័យជាជន្ទល់។ ៥. ការអត់ធ្មត់៖ ការចរចាអាចមានភាពស្មុគស្មាញ និងត្រូវការពេលវេលា។ ការអត់ធ្មត់ផ្តល់ពេលវេលាសម្រាប់ពិចារណាទៅលើការសម្រេចចិត្តឱ្យបានហ្មត់ចត់ ដើម្បីធានាបាននូវលទ្ធផលល្អ។ ជាចុងក្រោយ ត្រូវចាំថាភាគីម្ខាងទៀតក៏ចង់បាននូវផលប្រយោជន៌ក្នុងការចរចារនេះដែរ ដូចនេះអ្នកគប្បីផ្តល់នូវអ្វីដែលពួកគេ និងខ្លួនឯងចង់បាន។

អត្ថបទនេះគំាទ្រដោយ Khmer Enterprise - សហគ្រិនខ្មែរ

🔰 សហគ្រិនខ្មែរ មានចក្ខុវិស័យក្លាយជាថ្នាលជាតិសម្រាប់ការលើកកម្ពស់គ្រប់សកម្មភាពរបស់វិស័យសហគ្រិនភាព។